मुंबई : राज्यातील पूरस्थिती लक्षात घेऊन महाराष्ट्र राज्य परिवहन महामंडळाने (एसटी) जाहीर केलेली १० टक्के भाडेवाढ रद्द करण्यात आल्याची माहिती उपमुख्यमंत्री एकनाथ शिंदे यांनी बुधवारी दिली.
शिंदे म्हणाले, “एसटी महामंडळ दरवर्षी दिवाळीच्या काळात साधारण १० टक्के भाडेवाढ करते आणि त्यातून सुमारे ३० कोटी रुपयांचा महसूल मिळतो. मात्र यंदा राज्यात निर्माण झालेली पूरस्थिती पाहता, या वर्षी अपवाद म्हणून ही वाढ रद्द करण्याचे निर्देश मी परिवहन मंत्री प्रताप सरनाईक यांना दिले आहेत.”
परिवहन मंत्री प्रताप सरनाईक यांनीही या निर्णयाची पुष्टी करत, “तूर्तास भाडेवाढीचा निर्णय रद्द करण्यात आला आहे,” असे स्पष्ट केले.
