X: @therajkaran
नागपूर: स्टेट ट्रान्सपोर्ट को-ऑप. बँक (State Transport co-op Bank) संचालक मंडळाने मनमानी पद्धतीने कारभार करत कर्जावरील व्याजाचे दर 14 टक्क्यावरून 7 टक्के इतके केले. त्यामुळे बँकेचा ‘क्रेडीट डिपॉझिट रेशो’ (Credit Deposit Ratio) खराब झाला, अशी तक्रार रिझर्व्ह बँकेकडे (RBI) केली आहे. या अधिकोषामधील अनियमिततेचे चौकशी आदेश दिले आहेत. अहवाल प्राप्त झाल्यानंतर कारवाई केली जाईल, असे उत्तर सहकारमंत्री दिलीप वळसे-पाटील (Dilip Walse Patil) यांनी आज विधानपरिषदेत शिवसेना सदस्य (उद्धव ठाकरे) अनिल परब (Anil Parab) यांच्या प्रश्नावर प्रश्नोत्तर तासात दिले.
वळसे-पाटील म्हणाले, “कर्जावरील व्याज दर कमी केल्याने भीतीपोटी ठेवीदारांनी (depositors) 180 कोटी रुपयांच्या ठेवी काढून घेतल्या. या अधिकोषातील आर्थिक स्थिती चांगली आहे. ठेवीदारांनी काळजी करू नये. राज्य शासन योग्य ती काळजी घेत आहे,” असे ते म्हणाले, ‘अधिकोषासंबंधी आलेल्या सर्व तक्रारींची शासनाकडून विभागीय सहनिबंधक यांच्याकडून आवश्यक ती कार्यवाही चालू आहे, असेही वळसे पाटील यांनी स्पष्ट केले.
