महाराष्ट्र ताज्या बातम्या

मनोरा आमदार निवासाचे बांधकाम २०२८ पर्यंत पूर्ण करा — विधानसभा उपाध्यक्ष अण्णा बनसोडे यांचे निर्देश

मुंबई : मुंबईतील मनोरा आमदार निवास इमारतीचे बांधकाम प्रगतीपथावर असून हे काम २०२८ पर्यंत निर्धारित मुदतीत पूर्ण करावे, असे स्पष्ट निर्देश विधानसभा उपाध्यक्ष अण्णा बनसोडे यांनी दिले. बनसोडे यांनी बुधवारी कामाच्या ठिकाणी भेट देत प्रत्यक्ष पाहणी केली आणि बांधकामासंदर्भात सर्वसमावेशक आढावा घेतला.

पाहणीदरम्यान झालेल्या बैठकीत उपाध्यक्षांनी संबंधित अधिकाऱ्यांशी चर्चा करून सुविधांची गुणवत्ता, सुरक्षितता, तांत्रिक बाबी आणि बांधकामाच्या गती यासंबंधी आवश्यक सूचना दिल्या. बांधकामाची गती समाधानकारक असली तरी काही तांत्रिक मुद्द्यांवर अतिरिक्त लक्ष देण्याची गरज असल्याचे त्यांनी नमूद केले.

“मनोरा आमदार निवासाचे सर्व कामे वेळेत, नियोजनबद्धपणे आणि गुणवत्तापूर्ण पद्धतीने पूर्ण व्हावीत. या कामात कोणत्याही प्रकारचा विलंब सहन केला जाणार नाही,” असा कडक इशारा उपाध्यक्ष अण्णा बनसोडे यांनी दिला.

मनोरा आमदार निवास प्रकल्प पूर्ण झाल्यानंतर आमदारांसाठी आधुनिक सुविधा, अत्याधुनिक तंत्रज्ञान आणि उच्चस्तरीय सुरक्षितता असलेले नवे निवासस्थान उपलब्ध होणार आहे. यामुळे आमदारांच्या निवास समस्येचे मोठ्या प्रमाणावर निराकरण होईल, असे अधिकाऱ्यांनी यावेळी सांगितले.

Anant Nalavade

Anant Nalavade

About Author

अनंत नलावडे (Anant Nalavade) हे राजकीय पत्रकार असून गेले तीन दशक ते मंत्रालय आणि विधिमंडळ कवर करत आहेत.

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात