माजी मंत्री रोहिदास पाटील यांची प्रकृती बिघडली; कोल्हापूरात उपचार सुरु

X : @therajkaran

धुळे: राज्याचे माजी मंत्री रोहिदास पाटील यांची प्रकृती बिघडल्याने त्यांना कोल्हापूर येथे रुग्णालयात दाखल करण्यात आले आहे. ते त्यांच्या कन्येकडे कोल्हापूर येथे गेले असता त्यांना फुफ्फुसाचा त्रास जाणवल्याने अतिदक्षता विभागात व्हेंटीलेटरवर ठेवण्यात आले आहे.

कोल्हापूर येथील साई कार्डीयाक सेंटर येथील आयसीयूत डॉ. चंद्रशेखर पाटील आणि कोल्हापूर येथील फूफ्फूस तज्ञ त्यांच्यावर उपचार करत आहेत. पहिल्या आठवड्यात त्यांनी उपचाराला चांगला प्रतिसाद दिला. मात्र कालपासून प्रकृती गंभीर झाल्याने त्यांना अतिदक्षता विभागात व्हेंटीलेटरवर ठेवण्यात आले आहे. त्यांचे सुपूत्र विनय पाटील, आमदार कुणाल पाटील हे सोमवारपासून कोल्हापूर येथेच आहेत.