महाराष्ट्र ताज्या बातम्या

डॉक्टर प्रिव्हिलेज शुल्कावर शिवसेनेचा दणका – रुग्णांकडून जबरदस्तीने आकारले जाणारे शुल्क रद्द

डॉ. नितीन नांदगावकर यांच्या हस्तक्षेपामुळे खाजगी रुग्णालयांची माघार

मुंबई : राज्यातील खाजगी व सार्वजनिक रुग्णालयांमध्ये रुग्णांकडून जबरदस्तीने आकारले जाणारे डॉक्टर व्हिजिट किंवा प्रिव्हिलेज शुल्क आता रुग्णांकडून आकारले जाणार नाही. शिवसेना (उद्धव बाळासाहेब ठाकरे) पक्षाचे उपनेते डॉ. नितीन नांदगावकर यांनी रुग्णांचे हित लक्षात घेऊन केलेल्या कठोर पाठपुराव्याला यश मिळाले असून अनेक नामांकित रुग्णालयांनी यापुढे हे शुल्क न आकारण्याची हमी दिली आहे.

डॉ. नांदगावकर यांनी या प्रकारावर तीव्र नाराजी व्यक्त करत रुग्णालयांना विनंतीपत्र पाठवून, “पुढेही हे शुल्क आकारल्यास शिवसेनेचा दणका काय असतो, ते अनुभवाला येईल,” अशी स्पष्ट तंबी दिली होती. यानंतर तातडीने प्रतिक्रिया देत काही रुग्णालयांनी शुल्क रद्द करण्याचा निर्णय घेतला.

सामान्य रुग्णांना डॉक्टर प्रिव्हिलेज शुल्कामुळे हजारो रुपयांचा अतिरिक्त आर्थिक भार सहन करावा लागत होता. डॉक्टरांच्या व्हिजिटच्या नावाने दररोज आकारले जाणारे हे शुल्क रुग्णांच्या आणि त्यांच्या नातेवाइकांच्या पाठीवरचा भुर्दंड ठरत होता. आता ही लूट थांबवण्यात यश आल्याने रुग्णांना मोठा दिलासा मिळणार आहे.

“जर कोणतेही रुग्णालय पुन्हा असा अन्यायकारी शुल्क लादत असेल, तर लगेच आम्हाला कळवा. शिवसेना तुमच्या मदतीला तत्काळ धावून येईल आणि हे शुल्क थोपवेल,” असा विश्वासही डॉ. नांदगावकर यांनी व्यक्त केला आहे.

Rajkaran Bureau

About Author

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात