मुंबई: भारत–अर्जेंटिना संसदीय मैत्री गटाच्या अध्यक्षपदी राज्यसभेचे खासदार Ashok Chavan यांची नियुक्ती करण्यात आली आहे. ही नियुक्ती लोकसभेचे अध्यक्ष Om Birla यांनी जाहीर केली.
भारत आणि अर्जेंटिना यांच्यातील द्विपक्षीय संबंध अधिक दृढ करणे, संसदीय पातळीवर संवाद वाढविणे तसेच परस्पर सहकार्याच्या नव्या संधी निर्माण करणे, हा या संसदीय मैत्री गटाचा प्रमुख उद्देश आहे. या माध्यमातून दोन्ही देशांतील लोकप्रतिनिधींमध्ये सातत्यपूर्ण संवाद, विचारांची देवाणघेवाण आणि विविध क्षेत्रांतील सहकार्याला चालना मिळणार आहे.
या नियुक्तीबद्दल प्रतिक्रिया देताना खा. अशोकराव चव्हाण यांनी पंतप्रधान Narendra Modi, लोकसभेचे अध्यक्ष ओम बिर्ला, राज्यसभेचे सभापती C. P. Radhakrishnan, केंद्रीय गृहमंत्री Amit Shah तसेच भाजपचे राष्ट्रीय अध्यक्ष Nitin Nabin यांचे आभार मानले.
या जबाबदारीमुळे भारत–अर्जेंटिना संबंधांना नवी दिशा मिळेल आणि संसदीय सहकार्य अधिक बळकट होईल, असा विश्वास त्यांनी व्यक्त केला.
