X: @therajkaran
नागपूर: राज्यातील वाहन अपघात टाळावेत यासाठी योग्य व फिट वाहनचालक असावेत यासाठी सतरा ठिकाणी ऑटोमेटिक ड्रायव्हिंग टेस्ट (automatic driving test), आणि तेवीस ठिकाणी ऑटोमेटिक फिटनेस सेंटर्स (automatic fitness centres) निर्माण केली जातील, असे उत्तर मुख्यमंत्री शिंदे यांनी आज विधानसभेत प्रश्नोत्तर तासात दिले.
कॉंग्रेसचे ज्येष्ठ सदस्य अशोक चव्हाण (Ashok Chavan) यांनी जानेवारी ते जून २३ या सहा महिन्यांच्या कालावधीत १२१ रस्ते अपघातात (road accident) १३२ मृत्यू होणे, बेकायदेशीर वाहतूक, वाहनांचे फिटनेस सर्टिफिकेट नसणे यामुळे अपघात होतात याकडे लक्ष वेधले होते. याची सखोल चौकशी करून कारवाई करावी, अशी मागणीही चव्हाण यांनी केली होती.
समृद्धी महामार्गावरही (Samruddhi Mahamarg) अपघात वाढले, याचाही उल्लेख चव्हाण यांनी केला. वाहनचालक परवाना पद्धती कडक करा अशीही मागणी त्यांनी केली. मुख्यमंत्री शिंदे यांनी उत्तर देताना समृद्धी महामार्गावर आतापर्यंत ६० ते ७० लाख वाहने धावली, जे अपघात झाले ते मानवी चूकांमुळे झाले. आता अपघात संख्या कमी झाली अशी माहिती दिली.
