ताज्या बातम्या महाराष्ट्र

अजित दादांना बालेकिल्ल्यात धक्का; संजोग वाघेरेंचा ठाकरेंच्या शिवसेनेत प्रवेश

मुंबई

पिंपरी-चिंचवडचे माजी महापौर संजोग वाघेरे यांनी शिवसेनेच्या ठाकरे गटात प्रवेश केला आहे. काही वेळापूर्वी त्यांनी मातोश्रीवर शिवबंधन बांधलं. हा पक्ष प्रवेश अजितदादांसाठी मोठा धक्का मानला जात आहे.

राष्ट्रवादी पक्षाच्या फुटीनंतर संजोग वाघेरे हे अजित पवारांच्या गटात होते. मात्र सध्या लोकसभा जागावरील चाचपणीतून त्यांनी पक्ष बदलण्याचा निर्णय घेतल्याची शक्यता व्यक्त केली जात आहे. संजोग वाघेरे मावळमधून लोकसभा निवडणूक लढवण्यास इच्छुक आहेत. गेल्या वेळीही त्यांनी प्रयत्न केले होते. मात्र ऐनवेळी उपमुख्यमंत्री अजित पवार यांचे पूत्र पार्थ यांना उमेदवारी मिळाल्याने वाघेरेंना माघार घ्यावी लागली होती. आता महायुतीत एकनाथ शिंदेंच्या शिवसेनेला जागा सुटण्याचे चिन्ह आहे.

कोण आहे संजोग वाघेरे?
संजोग वाघेरे हे पिंपरी चिंचवडचे माजी महापौर आहेत. त्यांनी राष्ट्रवादीचे शहराध्यक्ष म्हणून काम पाहिल आहे. विशेष म्हणजे ते अजित पवारांचे कट्टर समर्थक मानले जातात. संजोग हे माजी महापौर दिवंगत भिकू वाघेरे यांचे पुत्र आहेत. ते राष्ट्रवादीच्या तिकीटावर तीन वेळा नगरसेवक राहिलेत. त्यांच्या पत्नीही नगरसेविका हत्या. त्यांनी स्थायी समितीचे अध्यक्षपद भूषवले आहे. संजोग वाघेरे राष्ट्रवादी चे सलग 8 वर्षे शहराध्यक्ष राहिलेत.

Rajkaran Bureau

About Author

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात