मुंबई
मुंबईतून एक मोठी बातमी समोर आली आहे. एन्काऊंटर स्पेशलिस्ट प्रदीप शर्मा यांच्या घरावर आयकर विभागाकडून छापा टाकण्यात आला आहे. टॅक्स चोरी प्रकरणात अधिकाऱ्यांनी प्रदीप शर्मा यांच्या मुंबईतील घरावर छापा टाकला. या घटनेनंतर अनेकांच्या भुवया उंचावल्या.
प्रदीप शर्मा हे मनसुख हिरेन प्रकरणातील आरोपी आहेत. ते वर्षभरापासून अधिक काळ तुरुंगात होते. नुकताच सर्वोच्च न्यायालयाने त्यांचा जामीन मंजूर केला आहे. या प्रकरणाची सविस्तर माहिती अद्याप समजू शकलेली नाही. मात्र आयकर विभागाकडून ही छापेमारी करण्यात आली असून सर्च ऑपरेशन सुरू असल्याचं सांगितलं जात आहे.
पण हे प्रकरण थेट प्रदीप शर्मा यांच्याशी संबंधित नाही. एका माजी आमदाराशी संबंधित हे प्रकरण आहे. माजी आमदाराच्या प्रकरणाचा तपास आयकर विभागाच्या अधिकाऱ्यांकडून केला जातोय. सगळी मालमत्तेची पडताळणी केली जात आहे. त्याच अनुषंगाने प्रदीप शर्मा यांच्याशी काही संबंध आहे का, असा तपास सुरु आहे.
