X: @therajkaran
नागपूर: ‘सोलर इंडस्ट्रिज इंडिया लिमिटेड’मध्ये झालेल्या स्फोटामध्ये कोणताही घातपात प्राथमिक चौकशीमध्ये दिसत नाही. स्फोटाच्या शेवटच्या क्षणापर्यंतचे ‘सीसीटिव्ही फुटेज’ उपलब्ध आहे. घटनास्थळावरून ‘फॉरेन्सिक’ नमुने घेण्यात आले. आहेत; अंतिम अहवालानंतरचया दुर्घटनेत घातपात आहे कि नाही, हे निश्चित होईल, अशी माहिती देवेंद्र फडणवीस यांनी आज विधानसभेत दिली.
संरक्षण विभागाकरता लागणार्या विस्फोटकांचे उत्पादन या आस्थापनात केले जाते. या आस्थापनामध्ये ३ हजार ४०० कामगार आहेत. ‘टी.एन्.टी. आणि ‘आरडीएक्स द्वारे कच्च्या मालापासून ‘हॅन्डग्रेनेट’साठीच्या ‘पॅनेट’ची निर्मिती येथे केली जाते. यासाठी ‘टी.एन्.टी. फ्लेस’ चाळत असतांना हा स्फोट झाला. स्फोटामुळे इमारत कोसळून ९ जणांचा घटनास्थळी मृत्यू झाला. या प्रकरणी भा.दं.वि. ३०४(१) अन्वये प्रशासनावर गुन्हा नोंदवण्यात आला असे या वेळी देवेंद्र फडणवीस यांनी सांगितले.