लाहोर
शाहबाज शरीफ पाकिस्तानचे 24 वे पंतप्रधान बनले आहेत. त्यांना नॅशनल असेंब्लीमध्ये 201 खासदारांचा पाठिंबा मिळाला. पाकिस्तानी मीडिया ‘द डॉन’ने दिलेल्या माहितीनुसार, 92 खासदारांनी पीटीआय समर्थक उमेदवार उमर अयुब यांना मतदान केले. नॅशनल असेंब्लीचे अध्यक्ष अयाज सादिक यांनी निकाल जाहीर केला.
पंतप्रधानपदी निवड झाल्यानंतर शाहबाज शरीफ यांनी नवाज आणि त्यांच्या सर्व सहकाऱ्यांनी त्यांच्यावर विश्वास ठेवल्याबद्दल त्यांचे आभार मानले. शाहबाज म्हणाले, माझे भाऊ तिनदा पंतप्रधान म्हणून निवडून आल्यानंतर देशात जो विकास झाला ते एक उत्तम उदाहरण आहे. नवाझ शरीफ यांनीच पाकिस्तान निर्माण केला असे म्हणणे चुकीचे ठरणार नाही. दुसरीकडे झुल्फिकार अली भुत्तो यांचे बलिदान देश कधीच विसरू शकत नाही.
शाहबाज शरीफ यांनी देशातील दहशतवाद आणि त्याची पाळंमुळं नष्ट करण्याची शपथ घेतली. ते म्हणाले, पीएमएल-एन आणि सहयोगी पक्ष पाकिस्तानी, मुस्लीम आणि माणूस म्हणून त्यांची भूमिका बजावतील. या संसदेत पाकिस्तानची बोट पालटू शकणारे प्रतिभावान लोक बसले आहेत. यामध्ये पत्रकार, विचारवंत, राजकारणी आणि धार्मिक नेते यांचा समावेश आहे. शाहबाज शरीफ यांची पंतप्रधानपदी घोषणा होताच नवाज यांनी त्यांची गळाभेट घेतली.
