महाराष्ट्र ताज्या बातम्या

राज्य शासनाने केल्या आठ सनदी अधिकाऱ्यांच्या बदल्या……!

मुंबई : मुख्यमंत्री पदी आल्यापासून प्रशासनात फेरबदलाचा सपाटा लावलेल्या देवेंद्र फडणवीस यांनी मंगळवारी आणखी आठ सनदी अधिकाऱ्यांच्या बदल्या केल्या. त्यात आश्चर्य म्हणजे आठ दिवसांपूर्वी बदली झालेल्या प्रदीप पी. या सनदी अधिकाऱ्याची नियुक्ती आता महाराष्ट्र मेरीटाईम मंडळाच्या मुख्य कार्यकारी अधिकारी म्हणून झाली आहे.तर सार्वजनिक आरोग्य विभागाचे सचिव एन.नवीन सोना यांची नियुक्ती उपमुख्यमंत्री एकनाथ शिंदे यांचे प्रधान सचिव म्हणून करण्यात आली आहे.

सामान्य प्रशासन विभागाने जारी केलेल्या आदेशानुसार मत्स्यव्यवसाय आयुक्त अतुल पाटणे यांची बदली पर्यटन विभागाच्या सचिवपदी तर वित्त विभागाचे सचिव डॉ.रामास्वामी एन. यांची बदली कृषी आणि पशुसंवर्धन विभागाचे सचिव म्हणून करण्यात आली आहे.अशात बराच काळ नियुक्तीच्या प्रतीक्षेत असलेल्या रिचा बागला यांची नियुक्ती वित्त विभागात (लेखा आणि कोषागारे) प्रधान सचिवपदी करण्यात आली असून वस्त्रोद्योग विभागाच्या सचिव म्हणून अंशु सिन्हा यांची नेमणूक झाली आहे.

वस्त्रोद्योग विभागाचे सचिव वीरेंद्र सिंग यांची बदली सार्वजनिक आरोग्य विभागाचे सचिव (२) म्हणून करण्यात आली असून महाराष्ट्र मेरीटाईम मंडळाचे मुख्य कार्यकारी अधिकारी माणिक गुरसल यांची बदली नाशिक महानगर प्रदेश विकास प्राधिकरणाचे आयुक्त म्हणून झाली आहे.

Anant Nalavade

Anant Nalavade

About Author

अनंत नलावडे (Anant Nalavade) हे राजकीय पत्रकार असून गेले तीन दशक ते मंत्रालय आणि विधिमंडळ कवर करत आहेत.

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात