महाराष्ट्र ताज्या बातम्या

विनायक राऊत, रेडी पोर्ट व मायनिंगचे लाभार्थी

भाजपचे प्रदेश सचिव डॉ निलेश राणे यांचा गंभीर आरोप

X: @ajaaysaroj

मुंबई: रेडी पोर्ट आणि मायनिंग या दोन्ही प्रकल्पात, महाविकास आघाडी उबाठा गटाचे सिंधुदुर्ग – रत्नागिरीचे उमेदवार विनायक राऊत यांनी कोट्यवधी रुपयांचा अपहार केला असल्याचा गंभीर आरोप भारतीय जनता पक्षाचे प्रदेश सचिव, माजी खासदार डॉ निलेश राणे यांनी पत्रकार परिषदेत केला. या आरोपांच्या पुष्ट्यर्थ त्यांनी फोटो, पुरावे देखील सादर केले.

या संदर्भात आर्थिक गुन्हे शाखा, इन्कम टॅक्स, कोकण आयुक्त, सिंधुदुर्ग जिल्हाधिकारी, या सर्वांकडे रीतसर लेखी तक्रार केली असल्याचेही डॉ राणे यांनी स्पष्ट केले. रेडी पोर्ट हे रत्नागिरी जिल्ह्यात महाराष्ट्र आणि गोवा या दोन राज्याच्या सीमेवर आहे. रेडी पोर्टचे सीइओ एम एन पाल, खासदार विनायक राऊत यांचा मुलगा हितेश राऊत, राऊत यांचा भाचा शैलेश परब, हिमांशू शैलेश परब व सिद्धेश विजय नाईक अशा पाच जणांचे रेडी पोर्टवर पाहणी करत असतानाचे काही फोटो डॉ राणे यांनी पत्रकारांसमोर सादर केले.

रेडी पोर्टचे कोट्यवधी रुपयांचे कंत्राट खासदार राऊत यांनी, त्यांच्या अधिकाराचा गैरवापर करत आपला मुलगा हितेश व भाचा शैलेश यांना मिळवून दिले असून, ही कंत्राट त्यांच्या मुलांनी, नातेवाईकांनी घ्यावीत, किंवा अन्य कोणी घ्यावीत याबद्दल आपला आक्षेप नसून खासदारकीचा, त्यांच्या अधिकाराचा गैरवापर केल्याबद्दल आक्षेप असल्याचे डॉ राणे यांनी स्पष्ट केले. असाच प्रकार खासदार राऊत यांनी मायनिंग प्रकल्प कंत्राटाबाबत केल्याचाही राणे यांनी पत्रकार परिषदेत सांगितले. विनायक राऊत यांनी आपली खासदारकी गेली दहा वर्षे फक्त मुलाबाळांना, नातेवाईकांना, कोट्यवधी रुपयांची कंत्राटे मिळवून देण्यासाठीच वापरली असून, गेल्या दहा वर्षांत त्यांनी या मतदारसंघात काय काम केले आहे ते दाखवावे असे आव्हानही त्यांनी राऊत यांना दिले.

राज ठाकरे यांच्या नखाची सर पण राऊत यांना नसून, राज यांचे कार्यकर्ते सोडाच, पण राज यांचे जेवढे चाहते आहेत तेव्हढी विनायक राऊत यांच्या भोवती आयुष्यभर गर्दी पण जमा झाली नसेल अशी खिल्ली डॉ राणे यांनी उडवली. राज म्हणजे लवंगी फटका आहे अशी टीका खासदार राऊत यांनी काल केली होती, त्याला उत्तर देताना डॉ निलेश राणे यांनी वरील भाष्य केले.

जय भवानी या शब्दावरून उद्धव ठाकरे यांची खोट्या हिंदुत्वाची नौटंकी सुरु आहे, नवनीत राणा जेव्हा हनुमान चालीसा बोलणार होत्या तेंव्हा याच उद्धव ठाकरे यांचे हिंदुत्व कुठे गेले होते असा सवाल करत, या राज्यात उद्धव यांच्या सारखा ढोंगी माणूस आजपर्यंत झाला नसेल, असे सांगत उद्धव यांचे हिंदुत्व हे सोयीचे हिंदुत्व असल्याची टीकाही डॉ निलेश राणे यांनी एका प्रश्नाला उत्तर देताना केली. याच संदर्भात आणखी एक पत्रकार परिषद घेऊन उर्वरित पुरावे व राऊत यांच्या ऑडिओ क्लिप्स आपण त्या पत्रकार परिषदेत सादर करण्यात असल्याचे ही त्यांनी सांगितले.

सिंधूदुर्ग – रत्नागिरी लोकसभा निवडणूक जसजशी जवळ येईल तसतसे या मतदारसंघात आरोप प्रत्यारोपांची राळ उडणार हे निश्चित असून त्याचा परिणाम काय होणार हे चार जूनलाच स्पष्ट होईल.

अजय निक्ते

अजय निक्ते

About Author

अजय निक्ते (Ajay Nikte) हे गेली २८ वर्षे मेनस्ट्रीम पत्रकारितेत कार्यरत आहेत. सामाजिक,सांस्कृतिक, कलाक्षेत्र ते गुन्हेगारी अशा विविध ठिकाणी त्यांची लेखणी लिहिती असली तरी , राजकीय पत्रकारिता हा त्यांचा आवडता विषय आहे. बातमी मागची बातमी आणि संबंधित विषयातील करंट अंडरकरंट्स अचूक हेरून ते लिखाणात उतरवणे ही त्यांची खासियत आहे. अजय उवाच या नावाने ते विविध विषयांवर ब्लॉगही लिहितात.यासह अभिनय ही त्यांची पॅशन असून ,अनेक मराठी ,हिंदी चित्रपट, सिरियल्स ,जाहिराती, शॉर्टफिल्म्स मध्ये त्यांनी अभिनयाचा ठसा उमटवला आहे. "मीडिया ,जर्नालिसम आणि ग्लॅमरवर्ल्ड" या विषयात, पालक आणि विद्यार्थी यांच्यासाठी ते अनेक संस्थांमध्ये व्याख्यानं देतात.

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात