ताज्या बातम्या महाराष्ट्र

शरद पवारांची भाजपविरोधात खेळी ; फडणवीसांचे निकटवर्तीय राष्ट्रवादीत जाणार

मुंबई : लोकसभेची रणधुमाळी सुरु असताना राष्ट्रवादीचे जेष्ठ नेते शरद पवार यांनी सोलापूरमधून भाजपला मोठा धक्का दिला आहे .सोलापूरमधील भाजप नेते आणि उपमुख्यमंत्री देवेंद्र फडणवीस (Devendra Fadnavis) यांचे विश्वासू संजय क्षीरसागर ( Sanjay kshirsagar) शरद पवार गटात (Sharadchandra Pawar group )प्रवेश करणार आहे. भाजपमध्ये आपला अपमान होत असल्याचे सांगत त्यांनी पक्ष सोडण्याचा निर्णय जाहीर केला आहे . त्यामुळे ऐन लोकसभा निवडणुकीत हा भाजपसाठी मोठा धक्का मानला जात आहे .

शरद पवारांच्या राष्ट्रवादीत प्रवेश करणार असल्याची माहिती स्वत: संजय क्षीरसागर यांनी दिली. ते म्हणाले , गेली 25 वर्षे म्हणजे 1998-99 पासून भारतीय जनता पक्षामध्ये मी सक्रिय कार्यकर्ता म्हणून काम करत आहे. मात्र 2006 सालपासून मला पक्षात अपमानास्पद वागणूक देण्यात आली आहे. 2014 च्या पराभवानतर पक्षाची इच्छा असताना पक्षातील काही नेत्यांच्या दबावामुळे पक्षाने माझ्याकडे दुर्लक्ष केले. जनतेला न्याय देण्यासाठी मी भाजप सोडण्याचा निर्णय घेत आहे. शरद पवारांच्या उपस्थितीत मी प्रवेश करणार आहे.प्रणिती शिंदेंना पाठिंबा देणार आहे, असे त्यांनी सांगितले . याआधी जिल्हापरिषद , विधानसभा, जिल्हा पंचायत अशा अनेक निवडणुका लढवल्या. सामान्य जनतेवर होणाऱ्या अन् अनेक मोर्चे काढले. कठीण काळात भाजपसोबत होतो. सध्याची राजकीय परिस्थिती लक्षात घेता ज्या तालुक्याकील लोकांनी माझी पाठराखण केली. त्यांना मी आजपर्यंत काही देऊ शकलो नाही.लोकसभेची चार वेळा उमेदवारी मागितली परंतु मला उमेदवारी दिली नाही याचे मला दु:ख नाही. पण सामान्य जनतेसाठी मी आता कार्य करणार आहे . भाजपमध्ये होणार अपमान यामुळे पक्षाला मी रामराम करणार असे ते म्हणाले .

दरम्यान सोलापुर लोकसभा मतदारसंघात काँग्रेसने (Congress) सलग तीन वेळा आमदार राहिलेल्या प्रणिती शिंदेना (Praniti Shinde) उमेदवारी दिली आहे. तर दुसरीकडे भाजपने (BJP) उपमुख्यमंत्री देवेंद्र फडणवीस (Devendra Fadnavis) यांचे निकटवर्तीय आणि माळशिरसचे आमदार राम सातपुते (Ram Satpute) यांना उमेदवारी जाहीर केली आहे. त्यामुळे आमदार विरुद्ध आमदार अशी ही निवडणूक होणार असल्याने संपूर्ण राज्याचे लक्ष सोलापूरकडे लागले आहे.

Supriya Gadiwan

Supriya Gadiwan

About Author

सुप्रिया गाडीवान (Supriya Gadiwan) यांनी कोल्हापूर येथील शिवाजी विद्यापीठातून Masters in Journalism केले आहे. या आधी त्यांनी Speed ​​News live 24 आणि Behind the News in Kolhapur या news portal साठी काम केले आहे. राजकीय बातम्या लिहिणे, पोर्टल चे समाज माध्यम सांभाळणे, बातमी संपादन यात त्यांचा हातखंडा आहे. सध्या त्या राजकारण (therajkaran.com) या मुंबईतील मराठी न्यूज पोर्टल साठी राजकीय बातमीदारी करतात.

Leave a comment

Your email address will not be published. Required fields are marked *

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात