महाराष्ट्र ताज्या बातम्या

विनोदाच्या नावाखाली अपमान; युवासेनेचा कुणाल कामरावर बहिष्काराचा इशारा

मुंबई: विनोदी कलाकार कुणाल काम्राने महाराष्ट्राचे उपमुख्यमंत्री एकनाथ शिंदे, राज्यसभा खासदार सुधा मूर्ती आणि उद्योगपती अनंत अंबानी यांच्यावर केलेल्या कथित अवमानकारक वक्तव्यांवरून वाद निर्माण झाला आहे. काम्राने विनोदाच्या नावाखाली या प्रतिष्ठित व्यक्तींवर अशोभनीय टीका केल्याचा आरोप करण्यात येत आहे.

युवासेनेचे नेते अमेय घोले यांनी या प्रकरणावर संताप व्यक्त करत ट्विट केले की, “ही विनोदाच्या नावाखाली खालच्या पातळीवर जाऊन केलेली घृणास्पद टीका आहे. समाजात योगदान देणाऱ्या प्रतिष्ठित व्यक्तींवर अशा प्रकारचे अपमानास्पद वक्तव्य करणे माफ करण्याजोगे नाही. दुर्दैवाची बाब म्हणजे काही लोक या वर्तनाचे समर्थन करत आहेत.”

युवासेनेने या वक्तव्याचा तीव्र निषेध नोंदवत कुणाल काम्राच्या कार्यक्रमांवर बहिष्कार टाकण्याची मागणी केली आहे. “आम्ही लवकरच आंदोलन छेडणार आहोत. महाराष्ट्रातील सर्व स्टुडिओ आणि कार्यक्रम आयोजकांना आवाहन करतो की, कुणाल काम्राचे कोणतेही कार्यक्रम आयोजित करू नयेत,” असे युवासेनेने स्पष्ट केले आहे.

Rajkaran Bureau

About Author

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात