महाराष्ट्र ताज्या बातम्या

विधानसभेत प्रश्नोत्तराच्या वेळी मंत्र्यांची अनुपस्थिती; अध्यक्ष नार्वेकर नाराज

मुंबई :विधानसभेत आज शुक्रवारी सकाळी ११ वाजता प्रश्नोत्तरे पुकारण्यात आली, मात्र संबंधित खात्यांचे मंत्री गैरहजर असल्याने सत्ताधारी आणि विरोधी पक्षांच्या आमदारांनी नाराजी व्यक्त केली.

यावर विधानसभेचे अध्यक्ष राहुल नार्वेकर यांनी तीव्र नाराजी व्यक्त करत, प्रश्नोत्तराच्या वेळी संबंधित खात्यांचे मंत्री आणि राज्यमंत्री उपस्थित राहणे बंधनकारक असल्याचे स्पष्ट केले. मंत्र्यांच्या अनुपस्थितीमुळे पहिल्या १० प्रश्नांची उत्तरे प्रलंबित राहिली, ही खेदजनक बाब असल्याचे त्यांनी सांगितले.

अध्यक्ष नार्वेकर यांनी विधानसभेचे कामकाज १० मिनिटांसाठी स्थगित केले आणि मंत्र्यांनी विधान परिषद व विधानसभेतील जबाबदाऱ्या समतोल ठेवत प्रश्नोत्तर तासाला उपस्थित राहावे, असा स्पष्ट निर्देश दिला.

सदानंद खोपकर

सदानंद खोपकर

About Author

सदानंद खोपकर (Sadanand Khopkar) हे ज्येष्ठ पत्रकार असून 40 हून अधिक वर्षे ते पत्रकारितेत सक्रिय आहेत. ते गेली अनेक वर्षे मंत्रालय, विधिमंडळ आणि राजकीय पत्रकारिता करत आहेत. त्यांची संपामुळे उद्ध्वस्त झालेला गिरणगाव, तेथील मूळ संस्कृतीचा शोध यासह विविध विषयावरील 20 पेक्षा जास्त पुस्तके प्रकाशित झालेली आहेत. त्यांची अनेक गीते असून पुस्तकांची अभिवाचन हा त्यांचा आवडत विषय. त्यांची अनेक अभिवाचने यू-ट्यूबवर उपलब्ध आहेत. राजकीय पत्रकारिता करतानाच त्यांनी सांस्कृतिक आणि साहित्यिक पत्रकारितेचा वसा जपला आहे. अखिल भारतीय मराठी साहित्य संमेलनाला ना चुकता हजेरी लावणारे आणि त्यावर लेखन करणारे अशीही त्यांची साहित्य जगतात ओळख आहे.

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात