मुंबई
आरबीआयचे माजी गव्हर्नर रघुराम राजन यांनी आज मोतीश्रीवर जाऊन उद्धव ठाकरेंची भेट घेतली. त्यांच्या या भेटीनंतर राजकीय वर्तुळात चर्चा सुरू झाली आहे. रघुराम राजन आणि ठाकरे कुटुंबाचा एक फोटो समोर आला आहे. या भेटीत रघुराम राजन यांनी उद्धव ठाकरे, आदित्य ठाकरे, रश्मी ठाकरे, तेजस ठाकरे यांच्याशी संवाद साधल्याचं सांगितलं जात आहे.
दोन दिवसांपूर्वी राज्यसभेच्या निवडणुकीची तारीख जाहीर झाली आहे, त्यानंतर ही भेट झाल्याने राजकीय वर्तुळात चर्चांना उधाण आलं आहे.
मोदी सरकार विरोधात टीका
आरबीआयचे माजी गव्हर्नर रघुराम राजन यांनी मोदी सरकारविरोधात अनेकदा टीका केली आहे. मोदी सरकारच्या नोटाबंदीच्या निर्णयाविरोधातही रघुराम राजन यांनी निराशा व्यक्त केली होती. याशिवाय मोदींच्या अनेक आर्थिक धोरणांवर त्यांनी थेट विरोध केला आहे. आता राज्यसभेत येऊन ते थेट मोदींविरोधात उभे राहतील अशी शक्यता मोतीश्रीवर जाऊन उद्धव ठाकरेंची भेट घेतल्याने वाढली आहे.
शिवसेनेकडून कोणाकोणाला राज्यसभेसाठी संधी मिळाली?
- चंद्रिका केनिया
- राजकुमार धूत
- राम जेठमलानी
- प्रियंका चतुर्वेदी
