मुंबई : राष्ट्रवादी काँग्रेसचे ज्येष्ठ नेते आणि आमदार एकनाथ खडसे यांच्यावर मुंबईतील बाँम्बे हॉस्पिटलमध्ये स्टेंट बसविण्याची शस्त्रक्रिया करण्यात आली. यावेळी त्यांची पत्नी मंदाकिनी खडसे, मुलगी रोहिणी तसेच जावई रुग्णालयात त्यांच्या सोबत आहेत. रविवारी खडसे यांना हृदय विकाराचा झटका आला होता.
दरम्यान खडसे यांच्या वर बॉम्बे हॉस्पिटलधील रुमनंबर १२५१ मध्ये दाखल असून त्यांच्यावर तातडीचे उपचार सुरु आहेत. त्यांची प्रकृती स्थिर असल्याचे समजत आहे. त्यांना रविवारी हृदय विकाराचा झ्टका आला तेव्हा जळगावात होते. त्यामुळे तेथेल डॉक्टरांनी त्यांच्या वर या पूर्वी उपचार सुरु असलेल्या मुंबईतील बॉंबे हॉस्पिटल मध्ये त्यांना दाखल करण्याच्या सुचना केल्या. त्यावेळी खडसे यांच्या प्रकृती बाबत मुलगी रोहिणी यांनी मुख्यमंत्री एकनाथ शिंदे यांच्याशी चर्चा केली. मुख्यमंत्र एकनाथ शिंदे यांना फोन केला. यानंतर मुख्यमंत्र्यांकडून तातडीने एअर अॅम्ब्युलन्सची सोय केली होती. एकनाथ खडसेंना एअर अॅम्ब्युलन्सच्या मदतीने उपचारासाठी जळगावहून मुंबईला आणण्यात आले. एकनाथ खडसेंना जळगावच्या गजानन रुग्णालयात दाखल करण्यात आले होते. यानंतर एकनाथ खडसेंना सौम्य हृदयविकाराचा झटका आल्याचे कळाले होते.
