जालना
राज्य सरकारने काल विशेष अधिवेशन घेत मराठा आरक्षणाचं विधेयक विधिमंडळात मंजूर करून घेतलं. मात्र मनोज जरांगे पाटील सरकारच्या या निर्णयावर नाराज आहेत. आम्हाला स्वतंत्र आरक्षण नको, तर ओबीसीमधून आरक्षण द्या, अशी मागणी मनोज जरांगे पाटील यांच्याकडून करण्यात आली आहे.
आम्हाला सरकारचे आरक्षण मान्य नाही. आता आमच्यापुढे आंदोलनाशिवाय दुसरा कोणताही पर्याय राहिला नाही, असा इशारा मनोज जरांगे पाटील यांनी राज्य सरकारला दिला आहे. जरांगे पाटील पुढे म्हणाले, जाणून बुजून सरकारने उपोषणाटी आणि आंदोलनाची वेळ आणली आहे. निवडणुका डोळ्यासमोर ठेवून विशेष अधिवेशनात स्वतंत्र मराठा आरक्षणाचा निर्णय झाला असून, आता आंदोलनाशिवाय पर्याय नाही.
सगेसोयऱ्याची अंमलबजावणी केली जात नाही, तोपर्यंत सरकारची सुट्टी नाही. सरसकट मराठ्यांना ओबीसीमधून आरक्षण द्यावं, असंही पाटील म्हणाले.
