Twitter : @therajkaran

मुंबई

एकनाथ शिंदेंच्या (Eknath Shinde Sena) शिवसेनेतील विधान परिषदेचे आमदार अपात्रता (disqualification of MLAs) प्रकरणात मोठी घडामोड पाहायला मिळत आहे. विधान परिषदेचे सदस्य विप्लव बजोरिया, मनिषा कायंदे आणि निलम गोऱ्हे यांच्यावर कारवाईबाबत विधीमंडळात हालचाल होतं नसल्यामुळे उद्धव ठाकरे गट (UBT Shiv Sena) कोर्टाचे दरवाजे ठोठावणार असल्याची माहिती समोर आली आहे.

हायकोर्टात ठाकरे गटाकडून शुक्रवारी याचिका दाखल करण्यात येणार आहे. उपसभापती निलम गोऱ्हे यांच्यावरील कारवाई बाबत ठाकरे गटाने केलेल्या मागणीच्या कायदेशीर प्रक्रियेबाबत विधीमंडळाकडून माहिती घेतली जात असल्याचं सांगितलं जात आहे. निलम गोऱ्हे वगळता ठाकरे गटाकडून इतर दोघांबाबत कारवाई करण्याची मागणी करण्यात आल्यास तत्काळ कारवाई करण्यात येणार आहे.