नागपूर
काँग्रेसचे प्रदेश सचिव नरेंद्र जिचकार यांच्यावर शिस्तपालन समितीने पक्षविरोधी कारवाया केल्याचा ठपका ठेवत पक्षातून सहा वर्षांकरिता हकालपट्टी केली आहे. यानंतर जिचकरांनी पहिल्यांदा यावर प्रतिक्रिया दिली. यात त्यांनी काँग्रेसच्या नेत्यांवर धक्कादायक आरोप केला आहे.
भाजपला मदत करण्यासाठी काँग्रेस मधून माझे निलंबन करण्यात आलं आहे. मी नेहमीच काँग्रेसच्या विचारांचा प्रसार करण्याचा प्रयत्न केला आहे. मग तो बहुजन विचार मंच द्वारा असो, शिवशाही महोत्सव द्वारा असो किंवा संविधान जागर या कार्यक्रमा द्वारा असो. लोक जोडण्या येवजी, लोक तोडण्याच काम सुरु आहे, अशा शब्दात जिचकरांनी आपली भूमिका मांडली.
काय म्हणाले नरेंद्र जिचकर?
माझ्यावरील बडतर्फीची कारवाई सूड बुद्धीने घेण्यात आली आहे. उदयपूरमध्ये नव संकल्प ठराव झाला हे त्यासंबंधित आहे. १२ ऑक्टोबरला एक बैठक झाली. यात नवजीवन संकल्प शिबिरात झालेला ठरावावर चर्चा करण्यासाठी पदाधिकारी या नात्याने यावर बोलण्यासाठी मी उभा राहिलो होतो. त्यावेळी माझ्यावर हल्ला झाला. हल्ला करणाऱ्यांऐवजी मला नोटीस पाठवण्यात आली. या नोटीसीला प्रत्युत्तर देताना मी तिथले सीसीटीव्ही तपासण्याची मागणी केली. मात्र यानंतर माझचं निलंबन करण्यात आलं. ही कारवाई सूड बुद्धीने करण्यात आल्याचा आरोप जिचकरांनी केला आहे.
काँग्रेसचे विचार जनसामान्यात पोहोचवण्यासाठी अनेक कार्यक्रम केले आहेत. नागपूरमध्ये हम तयार है या घोषणेअंतर्गत मोठी बैठक झाली. मात्र ही तयारी काँग्रेसला निवडून आणण्यासाठी की भारतीय जनता पार्टीला मदत करण्यासाठी आहे, असा मोठा आरोप जिचकरांनी केला.
