X : @therajkaran
नागपूर
मुंबईतील एकही हिरेविषयक (Diamond business shifting to Gujarat) उद्योग गुजरातला गेलेला नाही. याऊलट देशातील सर्वात मोठा ‘जेम्स अँण्ड ज्वेलरी पार्क’ मुंबईत उभा राहतोय, सूरत डायमंड मार्केटमुळे (Surat Diamond market) येथील उद्योगावर कोणताही परिणाम होणार नाही, अशी ग्वाही उपमुख्यमंत्री देवेंद्र फडणवीस (Devendra Fadnavis) यांनी आज विधानसभेत निवेदनाद्वारे दिली.
ते म्हणाले, सूरतमधील हिरे व्यापारास शिवाजी महाराजांपासून (Shivaji Maharaj) इतिहास आहे. तर हिरे उत्पादन २०१३ पासून आहे. आता एक नवीन इमारत निर्मिती झाली आहे. महाराष्ट्रातील एकही हिरे विषयक उद्योग सूरतला गेलेला नाही. मुंबईतून होणारी हिरे निर्यात मोठी आहे. तेथील उद्योग बाहेर जात आहेत, यात काहीही तथ्य नाही.
मलबार गोल्डज (Malabar Golds) ही देशातील सर्वात मोठी कंपनी आहे. त्यांनी १७०० कोटींची आपल्या राज्यात गुंतवणूक केली, अशी माहिती उपमुख्यमंत्री फडणवीस यांनी दिली. मुंबईशी कोणीही स्पर्धा करू शकत नाही. मुंबईचा हिरे व्यापारातला वाटा ७५ टक्क्यांचा आहे, तुलनेत गुजरातचा (Gujarat) खूप कमी आहे, असे त्यांनी निवेदनात स्पष्ट केले.
