महाड– महाड विधानसभा मतदारसंघातून निवडणूक लढवलेल्या शिवसेना (उद्धव बाळासाहेब ठाकरे) पक्षाच्या स्नेहल माणिकराव जगताप यांनी उद्धव ठाकरे गटाला अखेरचा रामराम करत राष्ट्रवादी काँग्रेसच्या अजित पवार गटात प्रवेश करण्याचा निर्णय घेतला आहे.
“राष्ट्रवादी पुन्हा” या गाण्याच्या धर्तीवर जगताप आपल्या नव्या राजकीय प्रवासाची सुरुवात करत आहेत. त्यांच्या या निर्णयामुळे कोकणातील राजकीय समीकरणे बदलण्याची शक्यता आहे, विशेषतः रायगड लोकसभा मतदारसंघात राष्ट्रवादी काँग्रेस पुन्हा उभारी घेण्याचे संकेत मिळत आहेत.
या प्रवेशासंदर्भातील अंतिम चर्चा राष्ट्रवादी काँग्रेसचे रायगड लोकसभा मतदारसंघाचे खासदार सुनील तटकरे यांच्या सुतारवाडी येथील निवासस्थानी होणार आहे. जगताप आणि तटकरे यांच्या एकत्र येण्यामुळे कोकणात नवीन राजकीय घडामोडी घडण्याची शक्यता नाकारता येत नाही.
