मुंबई : लोकसभा निवडणुका अंतिम टप्प्यात आल्या असून आता राज्यात लवकरच विधानपरिषदेच्या (vidhan parishad maharashtra election) निवडणुकीचे पडघम वाजणार आहे . राज्यातील विधानपरिषदेच्या चार जागांसाठी निवडणूक जाहीर करण्यात आली असून यासाठी शिवसेना ठाकरे गटाकडून ( Thackeray group ) आघाडी घेत पदवीधर मतदार संघातून माजी मंत्री अनिल परब( Anil Parab) तर मुंबई शिक्षक मतदारसंघातून ज. मो. अभ्यंकर (J M Abhyankar) यांना उमेदवारी देण्यात आली. ज. मो. अभ्यंकर हे शिवसेनेच्या शिक्षक सेनेचे प्रांताध्यक्ष आहेत. दरम्यान ही निवडणूक शिवसेना शिंदे गटही लढवणार आहे.त्यामुळे लोकसभेप्रमाणेच विधानपरिषदेतही चुरस पाहायला मिळणार आहे .
या राज्यातील विधानपरिषदेच्या चार जागांसाठी २६ जून रोजी ही निवडणूक होणार आहे. राज्यातील दोन शिक्षक तर दोन पदवीधर मतदार संघासाठी ही निवडणूक १० जून रोजी जाहीर झाली होती. परंतु त्याला शिक्षक संघटनांनी विरोध केल्यानंतर नवीन तारीख २६ जून रोजी करण्यात आली. मुंबई आणि कोकण पदवीधर मतदार संघ, तर नाशिक आणि मुंबई शिक्षक मतदार संघात ही निवडणूक होणार आहे.मुंबई पदवीधर मतदारसंघावर पूर्वी भाजपचे वर्चस्व होते. परंतु शिवसेना नेते प्रमोद नवलकर यांनी भाजपचे वर्चस्व मोडत शिवसेनेचे वर्चस्व निर्माण केले. यामुळे गेल्या ३० वर्षांपासून हा मतदारसंघ शिवसेनेकडे आहे. आता त्यांच्याकडून दोन उमेदवार रिंगणात उतरले आहेत . यामध्ये उमेदवारी मिळालेले ज. मो. अभ्यंकर हे शिवसेनेच्या शिक्षक सेनेचे प्रांताध्यक्ष आहेत. शिक्षकांचे प्रश्न आणि समस्यांवर त्यांनी सातत्याने आवाज उठवला आहे.आता ते राजकारणात विधानपरिषदेच्या निवडणुकीतून सक्रिय झाले आहेत .
शिवसेनेतील बंडानंतर मुंबई पदवीधर मतदार संघावर शिंदे गटाचा दावा आहे.मात्र यासाठी भाजपही निवडणूक लढवण्याची तयारी करत आहे . शिंदे गटाकडून माजी मंत्री डॉ. दीपक सावंत निवडणूक लढवण्यास इच्छूक आहे. भाजपकडून किरण शेलार यांची तयारी सुरु आहे. त्यासाठी शेलार यांनी मोठ्या प्रमाणावर मतदारांची नोंदणी केली आहे.आता या निवडणुकीसाठी भाजप , शिंदे आणि ठाकरेंची शिवसेना अशी चुरस पाहायला मिळणार आहे .
