मुंबई : गेल्या काही दिवसांपासून रायगड लोकसभा मतदारसंघावरून शिवसेना, भाजप आणि अजित पवार गटात मतभेद सुरू आहेत . अशातच आता अजित पवार (Ajit Pawar) यांच्या राष्ट्रवादी काँग्रेसने लोकसभा निवडणुकीसाठी (Lok Sabha Election 2024) पहिला उमेदवार रायगड जिल्ह्यातूनच (Raigad Loksabha)जाहीर केला आहे. या मतदारसंघातून पुन्हा एकदा सुनील तटकरे ( Sunil Tatkare) यांना उमदेवारी देण्यात आली आहे. पुण्यात राष्ट्रवादी काँग्रेसची आज बैठक झाली. या बैठकीत तटकरेंच्या उमेदवारीवर शिक्कामोर्तब झाला. त्याबाबतची माहिती अजित पवार यांनी पत्रकार परिषद घेऊन माहिती दिली. त्यांच्या या भूमिकेवर आता शिंदे गट आणि भाजप काय भूमिका घेतात? हे पाहणे महत्त्वाच ठरणार आहे .
लोकसभा निवडणुकांच्या पार्श्वभूमीवर अजित पवारांच्या उपस्थितीत पुण्यात राष्ट्रवादी काँग्रेस पक्षाची बैठक पार पडली. या बैठकीत बारामती, शिरूर, सातारा ,धाराशिव, नाशिक, रायगड परभणी लोकसभा संदर्भात चर्चा झाली. परभणीचा उमेदवार दोन दिवसात ठरणार आहे.महायुतीमध्ये अजित पवार यांच्या राष्ट्रवादी काँग्रेसला नेमक्या किती जागा मिळणार, याबाबत नेमका आकडा समोर आलेला नाही. अजित पवारांची राष्ट्रवादी काँग्रेस बारामती, शिरुर, रायगड आणि सातारा या मतदारसंघासाठी आग्रही आहे. येत्या 28 तारखेला महायुतीचा संपूर्ण फॉर्म्युला जाहीर केला जाईल असं अजित पवारांनी सांगितलं.
दरम्यान या बैठकीत बारामती लोकसभेची जागा महायुतीत राष्ट्रवादी काँग्रेसचच लढवणार, असल्याचा ठराव एकमतानं मंजूर करण्यात आला.
या निवडणुकीसाठी एकत्रित चर्चा करुन महायुतीत जागावाटपाचे 99 टक्के काम झाले आहे . मात्र 28 तारखेला मुंबईत देवेंद्र फडणवीस, एकनाथ शिंदे आणि मी पत्रकार परिषद घेऊन उमेदवार जाहीर करणार आहे. रायगडमधून सुनील तटकरे निवडणूक लढविणार आहेत असे त्यांनी सांगितले .तसेच शिवाजीराव आढळराव पाटील (Shivajirao Adhalarao Patil) 20 वर्षांपूर्वी आमच्या पक्षातून शिवसेनेत गेले होते. ते आमचे शिरुरचे उमेदवार असणार आहेत. इतर उमेदवारांची नावे 28 तारखेला जाहीर करण्यात येतील.प्रचार नियोजन, महायुती उमेदवार तिथे समन्वयक ठरवण्यात आले. मतदानाचे पाच टप्पे असून, वेळ आहे त्याचा चांगला वापर करा. २८ तारखेपर्यंत अंतिम फॉर्म्युला जाहीर होईल. सभा नियोजन करा, खोटा प्रचार रोखा अशा सूचना अजित पवारांच्या उपस्थितीत झालेल्या बैठकीत देण्यात आल्या.
