X: @therajkaran
मुंबई: भाजपाकडून विधानसभा अध्यक्ष राहुल नार्वेकरांना (Rahul Narwekar on BJP) लोकसभा निवडणुकीच्या रिंगणात उतरवण्याची तयारी सुरू आहे. नार्वेकर त्याप्रमाणे कामाला देखील लागलेले आहेत. तरीही याबाबत नार्वेकर यांनी आपली बाजू मांडली आहे. जागावाटपाचा निर्णय हा पूर्णतः पक्षश्रेष्ठींकडून घेण्यात येईल. मला पक्षाने याआधीच खूप काही दिल्याने मी अत्यंत समाधानी आहे. पक्षाकडून मोठ्या जबाबदाऱ्या देण्यात आल्या आहेत. पक्ष जी जबाबदारी देईल, ती मी पार पाडेल, असे नार्वेकरांनी स्पष्ट केले आहे.
दक्षिण मुंबई लोकसभेच्या जागेवरून सध्या महायुतीत (Mahayuti) मोठा गोंधळ आहे. या जागेवर शिवसेना शिंदे गटाकडून (Shivsena Shinde Group) दावा करण्यात आलेला आहे. परंतु, आता विधानसभा अध्यक्षांना आपल्या बाजूने उभे करून भाजप (BJP) मोठी खेळी आखत आहे. विधानसभा असो, लोकसभा असो किंवा पक्ष संघटनेचे काम दिले तरी ते मी पार पाडेल. पण दक्षिण मुंबई लोकसभा मतदारसंघातून भाजप एनडीएचाच उमेदवार विजयी होईल, हे निश्चित असल्याचे राहुल नार्वेकर यांच्याकडून स्पष्ट करण्यात आले आहे.
दरम्यान, लोकसभा निवडणुकीच्या (Loksabha Election) तारखा पुढील आठवड्यात कधीही जाहीर होऊ शकतात. यासाठी सर्वच राजकीय पक्ष कामाला लागले आहेत. तर इच्छुक उमेदवारांनीही आपापल्या मतदारसंघात मोर्चेबांधणी करण्यास सुरुवात केली आहे. भाजपाकडून लोकसभा निवडणुकीच्या उमेदवारांची पहिली यादी जाहीर करण्यात आली आहे. यामध्ये 16 राज्य आणि 2 केंद्रशासित प्रदेशातील 195 उमेदवारांच्या नावांची घोषणा करण्यात आली आहे. ज्यामुळे आता महाराष्ट्रातून भाजपा कोणत्या उमेदवाराला रिंगणात उतरवते, यांकडे सर्वांचे लक्ष लागून राहिले आहे.