ताज्या बातम्या महाराष्ट्र मुंबई

‘मुख्यमंत्री त्यांच्या मुलाची उमेदवारीही जाहीर करु शकत नाहीत, भाजपाचा इतका दबाव’, ठाकरेंच्या शिवसेनेच्या बड्या नेत्याची घणाघाती टीका

नागपूर – महायुतीच्या जागावाटपात मुख्यमंत्री एकनाथ शिंदे यांच्यावर भाजपाचा मोठा दबाव असल्यानं मुख्यमंत्री स्वताच्या मुलाची उमेदवारीही जाहीर करु शकत नाहीत, अशी घणाघाती टीका ठाकरेंच्या शिवसेनेचे आमदार भास्कर जाधव यांनी केली आहे. सध्या लोकसभेच्या जागेसाठी त्यांच्या हक्काच्या १३ जागा जर ते मिळवू शकत नसतील, तर विधानसभा निवडणुकीत शिंदेंच्या शिवसेनेला किती जागा देण्यात येतील, असा सवालही जाधव यांनी विचारला आहे. यवतमाळ, रामटेक, मावळ यासारख्या महत्त्वाच्या जागांवर शिंदेंना तडजोड करावी लागतेय, अशी टीकाही त्यांनी केली आहे.

भाजपनं आत्तापर्यंत २४ जागा जाहीर केल्या, मात्र महायुतीत इतर पक्षांना अद्याप पूर्ण जागा जाहीर करता आलेल्या नाहीयेत. शिंदे यांच्या शइवसेनेची पहिली ८ उमेदवारांची आणि काल ४ अशा १२ उमेदवारांची यादी जाहीर केलेली आहे. तर अजित पवार यांच्याकडून आत्तापर्यंत केवळ ३ च जागांची घोषणा करण्यात आलेली आहे. परभणीची जागा महादेव जानकर यांना सोडण्यात आलीय.

अद्याप ९ जागांवर उमेदवार निश्चिती नाहीच

महायुतीत आत्तापर्यंत ३९ जागांवर उमेदवारांची घोषणा करण्यात आलेली आहे. त्यातह काही जागांवर उमेदवार बदलण्याची वेळ शिंदेंच्या शिवसेनेवर आलीय. हिंगोलीतून हेमंत पाटील यांना दिलेली उमेदवारी बदलावी लागलेली आहे. इतर ९ जागी उमेदवारांची नावं अद्याप जाहीर करण्यात आलेली नाहीत.

कोणत्या ९ जागांची घोषणा नाही.

१. उत्तर मध्य मुंबई
२. उत्तर पश्चिम मुंबई
३. ठाणे
४. पालघर
५. कल्याण
६. नाशिक
७. छत्रपती संभाजीनगर
८. सातारा
९. रत्नागिरी-सिंधुदुर्ग

या नऊ जागांपैकी चार ते पाच जागांवर तिढा कायम असल्याचं सांगण्यात येतंय. आता हा तिढा कसा सुटणार याकडं सगळ्याचं लक्ष आहे.

हेही वाचाःकेंद्रीय तपास यंत्रणांचा भाजपाकडून गैरवापर होतोय? भाजपात येणाऱ्यांची आकडेवारी काय सांगते?

Rajkaran Bureau

About Author

You may also like

महाराष्ट्र ताज्या बातम्या मुंबई

सध्याच्या सरकारकडून लोकशाही मिटवण्याचं काम : जितेंद्र आव्हाड

Twitter : @therajkaran मुंबई स्वातंत्र्य मिळवण्यासाठी अनेकांनी बलिदान दिल्यानंतर स्वातंत्र्य मिळाले आहे. मात्र, आज स्वातंत्र्याचा 77 वा वर्धापन दिन साजरा
महाराष्ट्र

देवेंद्र फडणवीस : गडचिरोलीतील दुर्गम भागात पोहोचणारे पहिले गृहमंत्री

Twitter : @therajkaran मुंबई गडचिरोली हा महाराष्ट्राच्या एका टोकाला असलेला जिल्हा. छत्तीसगढ आणि तेलंगणा राज्याच्या सीमेला खेटून असलेल्या या जिल्ह्यात