नवी दिल्ली : मोठ्या प्रतीक्षेनंतर अखेर काँग्रेसने दिल्लीतील सर्व तीन उमेदवारांच्या नावाची घोषणा केली आहे. या तिघांपैकी कन्हैया कुमार हे नाव अधिक चर्चिलं जात आहे. कन्हैया कुमार आता सिनेमा स्टार आणि दोन वेळा खासदार राहिलेले मनोज तिवारी यांच्याविरोधात लढत देणार आहेत. जाणून घेऊया या लढतीविषयी…
१. उत्तर पूर्व दिल्लीत ईशान्येकडील लोकसंख्या सर्वाधिक आहे. याशिवाय या भागात सधन कुटुंबांची संख्या जास्त आहे. त्यामुळे या भागात अनेक अनधिकृत कॉलनी आहेत, याशिवाय स्थलांतरित झालेल्यांचा जास्त वावर आहे. याच भागात बुराडी, करावल, सीमापुरी, गोकुलपुरी सारख्या परिसरात अनेक अनधिकृत कॉलनी आहे. यामध्ये न केवळ बिहार तर उत्तर प्रदेश आणि हरियाणाहून आलेला मोठा वर्ग आहे. त्यामुळे या सर्वांचं मत कोणाला मिळेल, हे निवडणुकीच्या समीकरणात ठरलं जाईल.
२ उत्तर पूर्व दिल्ली 2020 मध्ये झालेल्या सांप्रदायिक दंगलीमुळे जगभरात ओळखली जात होती. त्या दंगलीनंतर या भागात धार्मिक ध्रुवीकरण मोठ्या प्रमाणात पाहायला मिळालं. या लोकसभा मतदारसंघात सीलमपूर, मुस्तफाबाद, बाबरपूर आणि करावल सारखा परिसरात आहे, येथे मुस्लीम लोकसंख्या जास्त आहे. संपूर्ण लोकसभा परिसरात मतदारांचा विचार केला तर 21 टक्के मतदार मुस्लीम समाजातील आहेत, याच कारणास्तव यंदा येथे धार्मिक ध्रुवीकरणाचा मुद्दा जोर धरू शकतो.
३ मनोज तिवारी या भागातील भाजपचे उमेदवार आहेत, ते दोन वेळा या मतदारसंघातून निवडून आले आहेत. त्यांची या भागात चांगली पकड असल्याचं सांगितलं जातं. नेता म्हणून प्रसिद्ध नसले तरी अभिनेता आणि गाय म्हणून त्यांच्या चाहत्यांची संख्या जास्त आहे. दुसरीकडे कन्हैया कुमार स्टार उमेदवारांच्या यादीत असले तरी त्यांची प्रतिमा वेगळी आहे. जेएनयुचे विद्यार्थी संघाचे अध्यक्ष असताना ते रात्रीतून स्टार झाले होते. भाषणांतून त्यांची प्रसिद्धी वेगळ्याच उंचीवर पोहोचली आहे. आता ते NSUI AICC चे प्रमुख आहेत आणि विशेषत: तरुणांशी संबंधित मुद्द्यांकडे लक्ष देतात.
हे ही वाचा – लोकसभा निवडणुकीसाठी भाजपचा जाहीरनामा जाहीर, कोणत्या गोष्टींवर भर?
४ कन्हैया कुमार हे राहुल गांधी यांच्या दोन्ही भारत जोडो यात्रेत बरेच सक्रिय होते. यात्रांची योजना तयार करणे आणि तरुणांशी जोडून घेण्यात त्यांची महत्त्वपूर्ण भूमिका राहिली आहे. कधी काळी कम्युनिस्ट असलेले कन्हैया कुमार आता राहुल गांधींच्या सैन्यात सक्रिय सैनिकांपैकी एक आहेत. दुसरीकडे मनोज तिवारी यांचं वैशिष्ट्य म्हणजे दिल्लीतील सात जागांपैकी केवळ एकाच खासदाराला तिकीट देण्यात आलं आहे.
